Bilitseqarani angalasinnaaneq Air Greenlandimut ajornartorsiortitsivoq
Ullut makkua Danmarkip iluani angalaniartut misissortittarnerat ajornartorsiutaavoq, ukiumilugooq ataatsimi suli ajornartorsiutaanissaa ilimagineqarpoq. Air Greenland nalunaarpoq Nunatsinni timmisartumik angalaniarluni ornitamut aqqutaani, assersuutigalugu tallimariarluni meqqaartarneq qaqutigoortuunngitsoq, tamannalu ajornartorsiummik pilersitseqataasoq. Taassuma saniatigut qarasaasiakkut inniminniissutaasartunik sulialinnit Air Greenland, ukiumut 370.000-inik ilaasoqartartoq allanut naleqqiullugu mikigineqartarnera aamma pissutaaqataavoq.
Nunat tamat silaannakkut angallanneq pillugu kattuffiata IATA-p billitseqarani angalasinnaanermut peqqussutai malinniarlugit, Air Greenlandip angalaniartunit qarasaasiakkut inniminniissutaasartoq nutaaq oktobarip aallaqqaataani atulerpaa. Air Greenlandimi qarasaasiakkut inniminniisarneq Navitairep akisussaaffigaa.