Biilit nakkakattartut
Nuup illoqarfiata ilaani Qinngorpumi najugallit biilimit nakkakattartumit arfininngornerup ullaassaani itertinneqarput.
Allattoq Louise M. Kleemann
Angut 35-nik ukiulik biilit eqqaanniittoq politiinit naammattoorneqarpoq. Angut malunnartumik imigassartorsimavoq, ajutoornerullu kinguneranik annikitsumik aqqunartitersimalluni.
Angutip nassuiaanera naapertorlugu arnaq biilinut aquttuusimavoq, aqqusinermilu ingerlaarfianni qimmeq pangalilluni ikaartoq aquttup tupassutigisimavaa biilillu sangupiloortillugit.
Angut aamigut aalakoornartumik akoqarnersoq paasiniarlugu aaversiffigineqarpoq. Arnaq biilimut aquttuunerarneqartoq inuttarsineqarsimanngitsoq Nuummi politiit oqaatigaat.