Biilit innaallagissamoortut saqqummiunneqassapput

Biilit innaallagissarmoortut avatangiisinut akornutaanngillat biilitullu nutaanngitsutut benzinatortutut mingutsitsitiginatillu nipiliortiginngillat. Tamannalumi pisuinnarnut sikkilertunullu ajornartorsiutaasinnaavoq, taakkumi biilit innaallagissamoortut aggernerat tusaasinnaannginnamikku aporteratarsinnaapput.
septembarip 16-at 2009 11:58

Ullumikkut biilit sukkasuuliat nipaat tusaasarparput, jyllandilli kitaani nipilersornermik ilinniarfimmi ilinniartut oqartussaagaluarpata siunissami qanittumi Jaguarit nipaat allanngussagaluarpoq.

Danskit aqqunerserngini biilit innaallagissamoortut nalinginnaasunngorpata ajornartorsiut annertusiartuinnartussaq ilinniartut aaqqiissuteqarfigissagaat suliffeqarfiup Clean Tech Motors-ip taakkununnga qinnutigisimavaa. Biilimmi innaallagissamoortut motoorii nipaqanngingajapput, tamannalu ulorianarpoq tassami aggernerat pisuinnarnit tusaasinnaanngimmat. Assiliilluni nipiliamik biilit nipaqatilersinnissaat aaqqiissutaasinnaavoq. Taamalu iluarisamik toqqartuisinnaalerneq iluatsillugu isuma atorluarneqaannarsinnaassaaq. Pinngortitamillu eriaginninnertik malillugu biilit nipeqartinneqarsinnaasut Syskåne Ryberg isumaqarpoq.

Issittumiissimavunga Qalasersuarmit 1000 kilometerisut ungasitsigisumi, namminerlu nipinik immiussisimallunga, taakkulu biilit innaallagissamoortut nipissaattut suliarisimavakka.

Biilit nipissaannut nutaamut siunnersuutit silaannaap allanngoriartornera pillugu Københavnimi ataatsimeersuarnissami decembarimi pisussami saqqummiunneqassapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq