Biilit innaallagiatortut Nuuk kisiat minguitsunngortissinnaavaat

Biilit innaallagiartortut akiitsuusersorneqaratik eqqunneqarsinnaanerat 2018-imut sivitsorniarlugu Inatsisartut ippassaq aalajangerput. Biilit innaallagiatortut nunatsinni atorneqarnerisigut nunatta minguitsuunerunissaa anguniagaavoq.

Biilinilli ilisimasalik naapertorlugu biilit innaallagiatortut atorneqarnerulerpat, nunarput minguinnerulernavianngilaq.

Biilit innaallagissamik brintimillu ingerlatillit nioqqutissanik eqqussuinermi akitsuummik akitsuuserneqanngikkallarnissaannik qamutillu motoorillit akileraarutaannik akiliinngikkallarnissamik inatsit Inatsisartut ippassaq siullermik suliarimmassuk partiit tamarmik akuersaarpaat.

Tassalu biilit innaallagiatortut brinituortullu akiitsuusersorneqannginnerat 2018-imut sivitsorneqarneqarpoq. Tamannalu angallannermut Naalakkersuisoq Steen Lyngep nuannaarutigaa.

-Biilit innaallagiartortut akileraaruteqanngitsumik eqqunneqarsinnaanissaanut sivitsuineq isumaqataaffigaara. Tunngavigalugu avatangiisinik mingutitsinerit inunnut kingusinnerusukkut tuttarmata aamma nunarsuarput kiatsikkiartorneranut kinguneqaqataamata.

Biilinilli ilisimasalik ISS-imeersoq Tom Amtoft isumaqarpoq, nunatta minguinnerulissutissaanik biilinik innaallagiartortunik amelanerusumik atuilernissaaq tassuuguionnaq pinavianngitsoq.

Nuup avataani biililerisut innaallagiartornik ilisimasallit ikippallaarnerat taama ilimasunnermernut piissutigaa.

-Biilit naliginnaasut benzinatortut mekanikkerit amerlanerit sungiusimavaat, biilillli innaallagiatortut batteereqarput, innaallagiartortumik motooreqarput aserorsinnaasunik, battereeqarlutik aserorsinnaasunik kiisalu aamma elekrtonikkeqaqalutik. Nuullu qimalaaraani tamakkulerisinaasunik immikkut ilinniarsimasoqanmngilaq.

Tom Amtoft taama oqarpoq.

Taassuma aamma sinerissami aqquserngit ajorpallaarnerat eqqaasitsissutigaa, aqquserngit pitsaasuungitsut biilinut innarliisarmata.

Taassuma Naalakkersuisut inappai Nunatsinni aqquserngit pitsanngorsarneqarnissaat mekanikkeritullu ilinniarnerup pitsaanerunissaa misissussagaat.

ISS-ip Nuummi immikkoortortaa pingajussaa innaallagiartortunik biiliuteqalerpoq. Tassalu suliffeqarfiup biiliutaasa 5 procentii maanna innaallagissamik ingerlateqarput.

Biilit innallagiartortut ukiumi issileruttornerani aputeqaleruttorneranilu ajutoorneq ajortut,  ISS-imi biiloutinut asisussaasoq oqarpoq.

Tamatumunngalu ilaatigut pissutaanerarpaa, biilit innaallagiartortut ataat manissuinnaanerat, biilit naliginnaasut sanilliukkaanni, tamakkua pujoorfii allallu apummut kanngissinnaasartut.

- Ukiuni innallagiartortrunik biileqarnitsinni taamaattunik apummut marrissimasunik qaqitsisariaqarnikuunngilagut - iluatsitsisimaaginnarniassasuguttoruna, Tom Amtoft oqarpoq.

Innaallagiartortunik biileqarneq aningaasartornannginerusoq, Nukissiiorfiit pisortaata Henrik Estrupip tikkuarpaa:

- Biilit innaallagiartortut maani maanna atugarineqartut biilimut benzinatortunut angeqqataannut sanilliukkaanni taavalu innaallagissat maanna akia uulliallu akia eqqarsaatigigaanni, taava biilit innaallagiartortut ingerlatigissallugit akikinnerupput, Henrik Estrup oqarpoq.

Taava aamma taamaattumik biilitaaraanni eqqussuinermi akitsuummik akiliisoqartannginnera, taassuma eqqaasitsissutigaa.

Neriupporlu akitsuuteqanngitsitsineq sivitsorneqarpat, biilit innallagiartortut tunisaanerulissasut.

Biileerniat biiliinik taamattumik amerlanerusumik tikisitsillutik tuniniaalinngippata, tunisat amerlinavianngillat. Kisianni pingaarpoq, akitsuummik ukiuni tulluiuttuni tallimani akiliisariaqannginnissartik maanna takusinnaammassuk, Henrik Estrup oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat