Assi: KNR

Biilit apormata marluk misissugaassangorlugit unitsinneqarput

Nuup ilaani Qinngorput aqqutaani biilit marluk apormata inuit marluk napparsimavimmi misissugassanngorlugit unitsinneqarput. Politiit KNR-imut taama uppernarsaapput.

Naqqiut: Meeraq inersimasorlu biilimi aporneqartumiittut allaaserisami siusinnerusukkut atuarneqarsinnaavoq. Tamanna eqqunngilaq. KNR-ip kukkuneq ajuusaarutigaa.

Biilip aappaa aqquserngup quatsersimanera pissutaasimagunartoq pillugu sangujoraarluni ingerlalersimavoq, biililu illuatungaani ingerlaartoq aporlugu.

Inersimasoq meerarlu biilini sangujoraalertumiipput.

- Inersimasoq meerarlu ajoqusersimanersut misissorneqartussanngorlugit Nuummi napparsimavissuarmut Dronning Ingridip napparsimavissuanut unitsinneqarput, Nuummi politiini pigaartoq Knud Frederiksen oqarpoq

Politiit biilii qatserisartullu arlaqartut ajutoorfiusumut ikiuukkiartorput, politiit oqarnerat naapertorlugu biilit apornerat sakkortusimavoq.

- Biilit apornerat sakkortusimavoq, qatserisartut ikiuuttariaqarlutik, biilillu kranilik biilit aportut peerneqarnissaannut ikiuuttariaqarlutik.

Politiit ilanngullugu oqaluttuarput, biilip aappaani aquttoq ajoqusersimanngitsoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!