Biilinut matuersaatit ualeru tunniunneqassapput
Matuersaatinik tunniussinermi aamma nutaamik aallartittussaqarpoq, tassa Nunanik Atlantikup avannarpasissuaniittunik suleqatigiinnissamut suliniut, El-mobility, aallartinneqassammat. Tassani pineqarpoq biilit innaallagissamoortut assigiinngitsut pillugit paasissutissat nalunaarsorneqarneri assersuunneqassapput, soorlu Nunani Atlantikup avannarpasissuani silap pissusaanut qanoq sunniuteqarnersut ilaatigut nalunaarsorneqassalluni.
- Biilit taamaattut Nukissiorfiit pisiaraat Kalaallit Nunaanni misiligarneqarniassammata, Islandimi Savalimmiunilu suleqativut peqatigalugit assersuunniassagatsigik, ineriartornermut siunnersorti, Jens Henrik Nielsen, oqarpoq.
Biili Norgemi sanaaq, Think City, misiliutissatut toqqarneqarpoq, biilinimi innaallagiamoortuni saqqummersuni taanna siullersaavoq.
Inatsisiliornissaq ataqatigiinnermullu aaqqissuussinissat biilit misiligarneqarneranni aamma aallartinneqassapput - soorlu biilit batteriivisa immersorneqartarnissaannut atortorissaarutissat piareersarneqassallutik.
Biilit Naalakkersuisunut ilaasortat marluk qaammat ataaseq misilereerpatigik, Nuummi suliffeqarfiit arlallit attartorsinnaassavaat, teknologi nutaaq taakku aamma misilittagaqarfigilerniassammassuk, Nukissiorfinni ineriartornermut siunnersorti, Jens Henrik Nielsen oqarpoq.
