Biilinut akitsuutit nutaat tunuartinneqaqqittut

Naalakkersuisut biilinut akitsuutit pillugit Inatsisartuni Aningaasaqarnermut Ataatsimiititaliaata itigartitsissutigaa. Siunnersuut inatsisartuni ukiaanerani ataatsimiinneranni oqaluuserineqartussaagaluarpoq, maannali tunuartinneqarluni. Biilinut akitsuusiiniarneq ukiup aappassaa taamaasilluni iluatsinngilaq.

Biilinik innaallagiatortunik brintimilluunniit ingerlatilinnut akitsuunissamut naalakkersuisut inatsisartut ukiaanerani ataasimiinnissaannut atatillugu siunnersuutaat ataasinngornermi ullaakkut tunuartinneqarpoq.

Siunnersuut ippassaq ataasinngornermi aappassaaneerneqartussaagaluarpoq. Biilit innaallagiartortut, brintitortulluunniit hybridilluunniit akitsuusersorneqarnissaat siunniunneqaraluarpoq. Biilit tamakku maannamut akitsuusersorneqanngillat.

AAMMA ATUARUK Biilinut innaallagiartortunut innaalagiamullu nuuttartunut akitsuutit allanngortinnissaat nalorninartoq

Siunnersuutilli itigartitsissutigineqarnissaa, Aningaasaqarnermut Akileraartarnermullu Ataatsimiititaliap isumaqatigiittup innersuussutigaa.

Naalakkersuisoqatigiit tapersersortaat Demokraatit, illuatungiliuttunilu partiit annersaat Inuit Ataqatigiit siunnersuutip immikkoortuisa ilaannut itigartitsipput.

Biilit akitsuusersorneqarnissaannut Naalakkersuisut siunnersuut inatsisartut siorna 2017-imi ukiaanerani ataatsimiinneranni oqaluuserisassanngortikkaluarpaat, upernaakkulli ataatsimiittoqarnissaanut kinguartikkallarlugu. Qinersisoqarnissaali pillugu tamanna taamaatiinnarneqarpoq.

AAMMA ATUARUK I dag skal Inatsisartut behandle afgifter på el- og hybridbiler

Aqqusinermi atuinermi akitsuutip atorunnaarsinneqarnissaa taamanikkut siunnersuutigineqarpoq, taarsiullugulu liiterimut kilometerinik ingerlasinnaasusia apeqqutaatillugu akitsuusersuisoqarnissaa siunniunneqarluni.

Biilit innaallagiatortut, brintitortulluunniit hybridilluunniit akitsuuserneqannginnerat ukioq manna januaarip aallaqqaataani atorunnaarsinneqartussaagaluarpoq, tamannali aappaagu 2019-imi januaarip aallaqqaataanut kinguartinneqarluni.

Biilinut akitsuusersuinissaq pillugu inatsimmik nutaamik suli atuutilersitsisoqannginnera pissutaalluni biilit akitsuusersorneqannginnerat suli atuutissaaq.

AAMMA ATUARUK Biilinut innaallagiatortunut akitsuusiisannginneq sivitsorneqassasoq

AAMMA ATUARUK Qamutit motoorillit akileraarutaat pillugit siunnersuut kinguartinneqartoq

 

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat