Biilinik tillittup politiit biiliat aporpaa
Tillittoq qimaavoq politiillu biiliat kingorna aporlugu.
Allattoq Ludvig Siegstad
maajip 07-at 2012 10:40
Nuummi politiit biili tillinneqarsimasorisaq tallimanngormat maajip ullaassaani nalunaaqutaq 04.30 misissorniarlugu unitsinniarsimagaluarpaat. Biilertorli qimaammat politiit biili malersulerpaat, politiit biiliat Jens Kreutzmannip aqqutaani tillittumit aportippoq.
19-nik ukiulik tigusarineqarpoq biilimillu tillissimasutut unnerluutigineqarpoq. Arnaq 22-nik ukiulik biilimi ilaasoq aamma tigusarineqarpoq.
