Biilinik tillinniarneq ajornaappallaaqaaq
Qaammatini kingullerni Nuummi biilinik aallarussisarnerit amerligaluttuinnartut aallarussisartullu ukiukilliartuinnartut politiit kisitsisaataanni erserpoq.
Nuummi biilinik aallarussinerit politiinut nalunaarutigineqartut septemperimi 18-iusimapput, oktoberilu aallartilaaginnartoq aallarussinerit arfineq pingasut maannamut nalunaarutigineqarsimallutik.
Nalinginnaasumik agguaqatigiisillugu biilit arfinillit qaammammut nalunaarutigineqartarput.
Nuummi politeeqarfiup pisortaa Bent Heisselberg oqarpoq biilininik aallarussisarnerit amerliartuinnartut, aallarussisartullu ukiukilligaluttuinnartut.
- Biilinik aallarussisartut nukappiaraanerupput ukiukitsut.
- Nukappiaqqat ilikkarsimavaat biilinik aallarussineq qanoq ajornaatsigisoq aammalu biilinik aallarussineq pillaatissiissutigineqarneq ajortoq:
- Meeqqat biilit aallaruttarpaat biilersinnaannginnamilli ajutoorsinnaasarput biilillu maangaannaq qimaannartarlugit, Bent Heisselberg oqarpoq.
Politiit ittuat aamma oqarpoq aallarussisut ilaat tigusarisarlugit, kisiannili aallarussisarneq ileqquliunneqarmat biiliutilinnut kajumissaarivoq meeqqanik biilinik aallarussisartunut eqqummaarineroqqullugit.
Qaqortumi, Sisimiuni Ilulissanilu politiit biilinik aallarussisarnerit amerliartornerinik maluginiagaqannginngillat, Ilulissanili sapaatip akunnerata naanerani biilit marluk aallaruneqarsimasut nalunaarutigineqasimapput.
