Biilinik mingutsitsineq kræfteqalissutaasinnaavoq

Inuit illoqarfissuarni najugallit biilininngaanniillu mingutsitsinermik eqqorneqartut, 30 procentimik annerusumik puamikkut kræfteqalernissaminnut qaninnerusarput. Taama Europami misissuinerinit Kræftens Bekæmpelse-minngaanniillu peqataaffigineqartut takutippaat.

Ole Raashou-Nielsen ilisimatusartoq Kræftens Bekæmpelse-miillu misissuinermut peqataasoq oqarpoq, siornatigut misissuinerit naqissusiinnaraat.

-Misissuinerit annertunerujartuinnartumik takutippaat silaannarmi mingutsitsinerit puakkut kræfteqalissutaasinnaasut. Misissuinerit USA-mi, Sverige-mi, Norge-mi maannalu Europami tamanna takutippaat, taassumalu uppernarsivaa ilumoortoq, Ole Raashou-Nielsen oqarpoq.

30 procentimik annerusumik ulorianarnerunera ukiumut puamikkut kræfteqalersartut 400-nik taamaalilluni amerlivai. Silaannarmi mingutsitsineq pujortartanngikkaluarluni pujortartut eqqaaniittarnituulli annertutigaaq.

Mingutsitsineq illoqarfiit qeqqini biilerfiunerpaanilu annertunerusarpoq.