Biilinik apueriarluni qimaasoq suli ujaarineqartoq: Politiinut suli saaffiginnittoqanngilaq
Tallimanngormat ullaakkut biilinik aportittumut tunngasumik, takunnissimasinnaasumik politiinut suli saaffiginnittoqanngilaq.
Angut utoqqasaaq tallimanngornermi ullaakkut arferngup missaani Nuummi Nuussuup ilaani Qaavani aporneqarpoq.
- Takunnissimasinnaasumik oqaloqatissarsiorpugut. Suli saaffiginnittoqanngilaq, Kalaallit Nunaanni politiit pigaartuisa pisortaat, Brian Thomsen, KNR-imut oqarpoq.
Biilini aquttoq apuereerluni qimaavoq.
AAMMA ATUARUK Nuummi angut utoqqasaaq biilinik aporneqarpoq: Biilinik apuisoq qimaasimasorlu politiinit ujarneqarpoq
Angut utoqqasaaq aporneqartoq, aporneqareernermi kingorna ambulancenit aaneqarpoq napparsimmaviliaanneqarlunilu.
Angut ajunngitsoq unitsitaasimanngitsorlu politiit ilanngullugu paasissutissiissutigaa.
Sapaatit akunnerata siuliani Nuummi sakkortuumik apuisoqarpoq. Aporneqartoq arnaq kilometeri sinnerlugu biilinit kalinneqarpoq.
Apuisoq qimaavoq, kingusinnerusukkullu angut 25-nik ukiulik imigassartorsimasoq, nammineerluni politiinut saaffiginnippoq.
Arnaq Rigshospitaliliaanneqarpoq, uumasorlu politiit oqaatigaat.