Biilinik aallarussisartut politiinit ernummassutigineqarput

Biilinik aallarussisarneq Nunatsinni ajornartorsiutaajartuinnarpoq. Aallarussisartullu ukiukinnerujartuinnarnerat politiit ernummatigiartuinnarpaat, inuusuttuaqqammi imminnut allallu ulorianartorsiortittarmatigik.

Inuusuttuaqqat amerlanerit biilersinnaanermik allagartaqaratik, biilersinnaanatilluunniit aallarusseriarlutik sukkalisaaqattaartarput. Taamaaliortartullumi ulorianarluinnartutut nalilertariaqarput, tamanna politiit tusagassiuutinut nalunaarusiaanni atuarneqarsinnaavoq.

Taamaamat politiit innuttaasunut ikioqqullutik noqqaassuteqarput. Tassa kikkulluunniit inuusuttuaqqanik biilinik passussiniaaluttunik takusaqarunik politiinut sianertarnissaat noqqaassutigineqarpoq, tassami inuusuttuaqqat biilinik aallarussisimatillutik ajutoorujussuarsinnaanerat politiinit ernummassutigineqarmat.

Ukioq manna 151-eriarluni biilinik aallarussisoqarsimavoq, Nuummiinnarlu 125-t aallarunneqarsimallutik.

Juullikkunniinnaq arfineq marloriarluni biilinik aallarussisoqarpoq, marloriarlunilu aallarussiniaraluit unitsinneqarlutik. Tassani inuusuttuaqqat 14-iniit 17-inut ukiullit aqqanillit tigusarineqarlutik.

Nuummi 125-riarluni biilinik aallarussisoqareersorlu 31-t kikkunnit aallarunneqarsimanersut paasineqareerpoq, tassanngalu inuusuttuaqqat 66-it unnerluussassanngortinneqarlutik. Unnerluussassanngortullu akornanni qulingiluaniit 17-inut ukiullit 41-uupput, quliinnaallu 20-t sinnerlugit ukioqarlutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat