Biilimik tillitaminnik ajutoortut
Nuummi kingullermik ataasinngormat unnuakkut biilimik tillittut Mittarfiup aqqutaani ajutoorsimapput.
Allattoq Martine Lind Krebs, Simon Uldum
Sermersuumi Politiit ataasinngormat unnuakkut nalunaaqutaq sisamanngulersoq innuttaasumit kalerrinneqarput biili Mittarfiup aqqutaani ajutoorsimasoq, inuttaqanngitsorli.
Biili sukkavallaartumik ingerlalluni ajutoorsimanera politiinit paasineqarpoq.
Biilip tillinneqarsimanera kingorna paasineqarpoq, tillittullu politiinit nassaarineqarsimanngillat.
Marlunngormat kingullermi unnuakkut biilimik allamik aamma tilleriaraluartoqarsimavoq - matumuuna Nuummi Ceresvejimi.
Taamaammat biilinik piginnittut biilit parnaartarnissaanik igalaavisalu matusarnissaannik politiit kajumissaaruteqarput.