Biililiorfissuaq Saab aningaasatigut annanniarsarivoq

Saab Amerikamiunit General Motorsikkunnit pigineqarpoq, General Motorsillu Saab januaariutinnagu tunerusuppaat.

- Saabip aningaasatigut imminut nappatissinnaalernissaa periafissinniarlugu akiliisinnaajunnaartutut nalunaarutiginnissinnaanissaa eqqartuussisutigut akuerineqassappat, periarfissaq tamanna atortariaqassavarput. Saabimik aqutsisut taama oqartut, Danmarkip Radioata Niels Kvalep, Saabip qullersaqarfianit tusarliuppaa.

Saabip akiliisinnaajunnaarnissaa anigorumallugu biililiorfissuup akiliisinnajunnaaqqajaasutut nalunaarutigineqarnissaa sulisut akornanni neriuutigineqarpoq, taamaaliornikkut suliffeqarfissuaq annaanneqarsinnaaniassammat.

Saabip aningaasatigut ajornartorsiortuarsimanera sulisut oqaatigaat, akiliisinnaajunnaaqqajaasutullu isigineqartuarsimalluni. Sulisut taamaammat ernumagaluarlutik neriuutigaat Saabip ajornartorsiutit qangerumaarai.