Biili Nuussuup aqqutaata sangoriaani ajutoortoq
Kalaallit Nunaanni Politiit Nuummi biilinik tallimanngornermi ullaakkut ajutoortoqarneranut atatillugu imigassartorsimalluni biilertoqarneranik pasitsaassaqarfiusumut ornigupput.
Allattoq Aaqqissuisoqarfik / Redaktionen
maajip 29-at 2026 11:15
Nuummi biilinik ullaap tungaani ajortoortoqarpoq. Kalaallit Nunaanni Politiit ilisimatitsipput.
Inuk ataaseq ajutoorsimasoq, Nuussuarmilu “dødemandssvinget”-imi qullermut napparummut aporsimasoq, sillimasut pisortaat, Malik Olesen oqaluttuarpoq.
- Nalunaaqutaq 08.54 nalunaarutiginnittoqartoq, sillimasut pisortaat oqarpoq.
- Imigassartorsimalluni biilersortoqarnera pasitsaanneqarpoq, taamaattumik angallannermi ajutoorneq pillugu suliaq aallartinneqarpoq.
Biilip napparummut apornerani qullersuup aqquserngup ilaa ingerlaarfiusinnaajunnaarsippaa taamaammat politiit angallannermik nakkutiginnillutik ajutoorfimmiipput.
Pisoq maanna naammassivoq, aquttorlu nakorsamit misissorneqaleruttorpoq.
