Biili imaanut sisusoq
Biilit unittarfiannit biili ullaap tungaani ingerlalluni imaanut nakkarmat ilaasoqanngilaq.
Allattoq Christine Hyldal
Biilip uffarnera eqqaassanngikkaanni qujanartumik allamik susoqanngilaq.
Biili unittarfimmit ingerlavoq Royal Greenlandillu aalisakkeriviata eqqaani imaanut nakkarluni. Biilimi qujanartumik ilaasoqanngilaq.
- Biilimik imaanut nakkartoqarsimanera uppernarsarsinnaavarput. Politiit, peqqinnissaqarfik qatserisartullu sumiiffimmukarput, biililu inuttaqanngitsoq paasineqarpoq, ajoqusertoqanngilarlu, Kalaallit Nunaanni Politiit nalunaaruteqarput.
- Biili nunamut qaqinneqaqqippoq, politiillu biilip qanoq ililluni imaanut pisimanera misissuleruttorpaat.
Nammineq assilisaq