Biilertilluni sms-ertarneq navianarmat inassutigineqanngilaq

Biilinik aqutsiitigaluni sms’ertarneq inuit ilaasa immaqa nuannaartoriniaraat, navianarsinnaavoq.

Imigassartorsimatilluni biilernermit allaat navianarnerusoq, Amerikami misissuinerit takutippaat.

Nuummi biilertartunik apersuivugut:

- Biilertillunga sms-erneq ajorpunga aamma taamaaliortarneq akuerisinnaanngilara. Kristian Egede oqarpoq.

- Sianertoqaraangat ilaannikkut tigusinnaasarpara, kisianni sms-erneq nalugakku atortorinngilanga. Biilertilluni sms-ertarneq Danmarkimisulli inerteqqutinngortinneqartariaqaraluarpoq. Ane-Marie Hviid Kristensen oqarpoq.

- Biilertillunga naviagalugu sms-erneq ajorpunga, maani Nuummi biilit sukkasoorujussuarmik ingerlasarmata. Tagivallaanngilara allassallunga imaluunnit sianeraangat tigussallugu. Biilertartoqatikka inassinnaavakka mobilimik uattulli atuinaveersaartaqqullugit. Aviaq Fredsbo nassuiaavoq.

Nunatsinni biiliitigaluni oqarasuaatinik angallattakkanik tigummiarluni atuisarnerup inerteqqutinngortinneqarnissaa Inatsisartunit ukiaru oqaluuserineqanngikkuni aappaagu upernaakkut oqaluuserineqassaaq.