Biilertilluni mobil-imi oqaluussineq inerteqqutaalissaaq

Angallanermi inatsit nutartigaq sukaterneqarsimasorlu, attuumassuteqartunut tusarniivigineqaleruttorpoq.

Inatsimmi nutartikkami biilinik aquttut oqarasuaatit angallattakkat atorlugit oqaluussisinnaajunnaassapput. Ullumikkut nalinginaasuuvoq, biilinik aquttut illuanik oqarasuaatit angallattat tigullugit illuanik biilit aquutaat tigullugit ingerlaartut. Angallannermi inatsimmi nutaami sukaterneqarsimasumilu nutaatut taaneqarsinnaasut ilaatigut tassaapput:

Snescooterinik ingerlatsisinnaasut 16-nik ukiulinnut killeqartinneqaraluartoq 18-inik ukiulinnut qaffanneqassaaq.

Knallert-inik motorcykel-inik snescooter-inillu aquttut taamatullu ilaasui, niaqqumut illersuusikkamik nasaqartassaapput.

Biilini ilaasut aquttuilu isumannaalisaammik qitequtsersimassapput.

Biilit qullii sakkukitsumik ikumatinneqartartut ikissimajuaannassapput.

Aammalugooq biilertut ingerlaartillutik bussit unittarfii sanioqqutileraangamikkut mianersortassapput.

Inatsisit pillugit ministerip Lene Espersen-ip, qaqugu nunatsinni angallannermut inatsisissaq folketingimi saqqummiutissaneraa maanakkut oqaatigineqarsinnaangilaq, aviisi sermitsiaq nittartakkami allappoq.