Biilertartut Norgemi utoqqaanersaat
Norgemi biilertartut utoqqaanersaat, 100-inik ukiulik Anders Sukkestad, biilernermik allagartaminik nutarteriniartoq naggasiutigissavarput.
Anders Sukkestad ukiut 82-ingajaat matuma siorna siullerpaamik biilernermut allagartartaarpoq.
- Tallimanngormat 13-ani nakorsiareerlunga nutaamik biilernermut allagartara taarsertikkiartorpara. Allagartassara aqagu tigussagunarpara, allakkatunngooq nassiuttussaagamikku, Anders Sukkestad iluarisimaarinneqaluni oqarpoq.
Taamaattorli biilerluni aquleruni isaruaqarnissi neriorsuutigisariaqarsimavaa.
Biilernermik sungiussilluarsimasup biilini nunaamminiit illoqarfiliassagaangami pisariaqartilluinnartarpaa.
- Maanga bussinik apuuttoqarneq ajorpoq. Illoqarfiullu tungaanut kilometerit marluk missaanniipput, pisullugulu ungasissukasiusarluni, Anders Sukkestad oqarpoq.
