Biibilit araberisut nutsikkat ikuallappaat

Afghanistanimi amerikamiut sakkutuuisa biibilit afghanistanimiut oqaasiinut nutsikkat ikuallattalersimavaat. Sakkutuut taamatut iliorput Afghanistanimiut isumaqaleqqunagit nunaminni ajoqersuiartortitaasuullutik. - Jiisusi pillugu innunniartuuvugut. Bakhranimi amerikkamiut mittarfeqarfianni naalagiani palasiat taama oqaluussivoq.
maajip 20-at 2009 09:38

Naalagiarneqartillugu palasiat assortuussutaalersumik oqalugiartalersimavoq. Sakkutuummi ajoqersuiartortitatut imminnut isigissanngillat.

Araaberit TVqarfissuagut Al-Jazeerakkut ippassaq takutinneqarpoq amerikkamiut sakkutuui ajoqersuiartortitatut pissusilersornerat.

Amerikkamiut sakkutuui Afghanistanimiut naggueqatigiit Darit Pashtunillu oqaasiinut biibilinik nutsikkanik tigumiarput.

- Allaqqasut malillugit oqaluussigitsi, mianersorlusili. Oqaaqqissaarisoq inatsivoq. Amerikkami sakkutuut qullersaqarfiata biibilit arsaarinnissutigai. Afghanistanimili amerikkamiut sakkutuuisa annilaanngatigilerpaat biibilit nutsikkat amerikkamut nassiunneqarpata tasamani upperniaqatigiit nutserisuusimasut Afghanistanimut utertillugit nassiuteqqissagaat.

Taamaasimmat sakkutuut qullersaqarfiata ajoqersuiartortitat nipangersinniarlugit aalajangerpaa biibilit nutsikkat ikuallanneqassasut.

Sakkutooqatigiit naalagaasa annilaangatigilersimavaat Afghanistanimiut pikitsitsisuisa amerikkamiut sakkutuui ajoqersuiartortutut isigilissagaat, amerikkamiullu sakkutooqarfii saassutarilissagaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq