- Kamala Harris toqqarlugu tulluusimaarutigalugu nalunaarutigisinnaavara. Arnaq qunusuitsoq, innuttaasunik sullissilluartoq, præsidentip tullersortissaatut toqqarpara, Biden taama ilaatigut allaaserisaqarpoq.Assi: Saul Loeb Mandel Ngan/AFP/Ritzau Scanpix

Bidenip Kamala Harris præsidentimut tullersortissatut toqqaraa

USA-mi demokratit sinnerlugit præsidentimut sassartup Joe Bidenip, Californiami senatori Kamala Harris, præsidentip tullersortissaattut piukkuppaa, qineqqusaaqatigisussanngorlugulu.

Joe Bidenip tamanna Twitterikkut ippassaq unnukkut nammineq uppernarsarpaa.

- Kamala Harris toqqarlugu tulluusimaarutigalugu nalunaarutigisinnaavara. Arnaq qunusuitsoq, innuttaasunik sullissilluartoq, præsidentip tullersortissaatut toqqarpara, Biden taama ilaatigut allaaserisaqarpoq.

55-inik ukiulik Harris, USA-p oqaluttuarisaanerani arnani taartumik amilinni siullersaalluni præsidentip tullersortissaattut piukkunneqarpoq.

Kamala Harris naalagaaffimmi Delawaremi illoqarfimmi Wilmingtonimi ullumi pingaasunngornermi oqalugiassasoq, Bidenip qinersinissamut atatillugu allattoqarfiata nalunaarutigaaa.

AAMMA ATUARUK Misisuineq: Trump USA-mi nunap immikkoortuini qinersinermi naligiiffiukkajuttuni kinguaqqaqisoq

Harris Demokraatinit præsidentimut aamma qinigassanngortinnikuugaluarpoq, marsilli qiteqqunnerani qineqqusaarniarunnaarluni Bidenimut tapersersuilerpoq.

Harris indiamiumik anaanaqartoq jamaicamiumillu ataataqartoq januaarimi qineqqusaarluni aallartikkami aallartilluaraluarpoq.

Taanna præsidentimut qinersinissamut oqallinnerni siullerni Bidenimut qalipaatilimmik amillit pillugit atugassarititaasut pillugit avoqqaarsinini pillugu pointinnappoq.

Bidenimut præsidentimut tullersortissaminik toqqaanissaa sapaatip-akunnerata siuliani naatsorsuutaagaluarpoq, tamannali kinguartinneqarluni.

Joe Bidenip præsidentip tullersortissaata aqqa Demokraatit partiiminni aggustip ulluisa 17-ianni isumaqatigiissuteqannginneranni saqqummiuttussaagaluarpaa.

AAMMA ATUARUK Biden USA-p naalagaaffiini qinersinerni arlalinni ajugaassangatinneqartoq

Bidenip præsident Donald Trumpimut amerikamiut novembarip ulluisa pingajuanni qinersineranni qinigaaqqikkusuttumut unammillernera isumaqatigiinnermi tassani pisortatigoortumik qinigassanngortittussaavoq.

Biden præsident Barack Obamamut tullersortaasimasup Milwaukeemi partiip isumaqatigiissuteqarnissaanut ornigulluni peqataaniarnani nalunarutiginikuuaa. Taanna coronap nunarsuaq tamakkerlugu tuniluunnera pissutigalugu video atorlugu peqataaniarpoq.

/ritzau/

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat