- Ilaqutariinnut 205.000-nut asasaminnik annaasaqarsimasunut tamanna oqaatigiuk, Biden qinersisartunut Floridami Miamimi ataasinngornermi unnukkut ataatsimiititsinermi oqarpoq.Assi: Roberto Schmidt/AFP/Ritzau Scanpix

Bidenip Donald Trumpip Covid-19 pillugu eqqissisaalluni oqaasii isornartorsiorai

Trumpip coronavirusimik tunillanneqarsimanini pillugu napparsimmavimmi uninngareerluni amerikamiut coronavirusimit aqunneqannginnissaannik kajumissaarpai.

USA-mi demokratit sinnerlugit præsidentimut qinigassanngortittup, Joe Bidenip, Donald Trumpip Covid-19 pillugu oqaasii isornartorsiorpai.

Amerikamiut Covid-19 ersigissanngikkaat Trumpip Det Hvide Husimut uternermini oqaatigaa, virusip aqutsisuunnginnissaa ilaatigut oqaatigalugu.

- Ilaqutariinnut 205.000-nut asasaminnik annaasaqarsimasunut tamanna oqaatigiuk, Biden qinersisartunut Floridami Miamimi ataasinngornermi unnukkut ataatsimiititsinermi oqarpoq.

AAMMA ATUARUK Donald Trump angerlartitaareerluni: Coronavirusi ersigissanngilarsi

Donald Trumpip coronavirusimik tunillatsissimanini pillugu napparsimmavimmit Walter Reed Medical Centerimit angerlareerluni virusip ersigineqannginnissaa ilaatigut oqaatigaa.

- Covid ersiginasiuk. Aqussanngilaasi. Sulileqqittariaqarpugut. Isersimaannartoqarsinnaanngilaq mianersortariaqarpusili, Trump ilaatigut taama oqarpoq.

Trumpip coronavirusip nunarsuaq tamakkerlugu tunillaassuuttup taama navianartiginngitsuuneranik oqarnera, Bidenip qinersisartunik ataasinngornermi ataatsimiititsinermi isornartorsioqqippaa.

- Neriuppunga præsidentip qanermut assiaquteqarnissap pingaaruteqarluinnartuuneranik inunnut oqaatigiumaaraa, præsidentillu coronavirusimik tunillatsereernermini ajorunnaarnissaanik aamma kissaallugu, Biden oqarpoq.

Isummersuutit

Coronavirusimik tunillatsinissaq pinaveersaaruk

Nunatsinni coronavirusi pillugu killiffik

  Misissorneqareersimasut 12752
  Tunillanneqarsimasut
18
  Peqqisseqqittutut nalunaarutigineqartut 18
  Napparsimavimmi uninngasut 0
  Anersaartuuteqartitaasut 0
  Toqquteqartut 0
Takuuk: nun.gl Nunatsinni Nakorsaaneqarfik
  Nutarterneqarpoq
  novembarip 23-at 2020 nal. 10:45