Præsidentimut qinersinermi ajugaasup Ginsburgip kingoraartissaanik toqqaasuunissaa apersorneqartut 62 procentiisa tapersersoraat, inunnik isumasiuisartup Ipsosip nutaarsiassaqartitsivik Reuters sinnerlugu isumasiuinerata takutippaa.Assi: Roberto Schmidt/AFP/Ritzau Scanpix

Biden: Qinersisartut eqqartuussiviit qullersaanni eqqartuussisumik nutaamik toqqaannginnermi tusaaniarneqartariaqarput

Republikanerit sinnerlugit senatimi ilaasortat USA-mut pitsaanerpaap suuneranik ilisimannilluartut, Biden eqqartuussiviit qullersaanni eqqartuussisumik nutaamik toqqaanissaq pillugu oqarpoq.

USA-mi præsidentimut novembarip ulluisa pingajuanni qinersisoqareerpat aatsaat, eqqartuussiviit qullersaanni eqqartuussisumik nutaamik toqqaasoqarnissaanut, USA-mi eqqartuussiviit qullersaanni eqqartuussisup Ruth Bader Ginsburgip kissaataata ataqqineqarnissaa, demokratit sinnerlugit qinigassanngortittup Joe Bidenip sapaammi oqaatigaa.

- Qinersisartut tusaaniarneqartariaqarput, Biden Ginsburgip ukiorpassuarni sulilluarsimaneranik nersorniaanermini ilaatigut oqarpoq.

Eqqartuussisoq Ruth Bader Ginsburg kræftimik nappaateqarluni tallimanngormat toquvoq.

Eqqartuussisussamilli nutaamik piaartumik toqqaasoqarnissaa, Donald Trumpip republikanerillu senatimi amerlanerussuteqartut siulittaasuata Mitch McConnellip oqaatigaat.

USA-p præsidentiata eqqartuussiviit qullersaanni eqqartuussisussamik toqqaasarpoq eqqartuussisut ilaat toqukkut qimaguppat tunuarniuteqartoqarpalluunniit. Eqqartuussisussatullu piukkunneqartoq senatimi kingorna taava akuersissutigineqassaaq.

Republikanerillu senatimi amerlanerussuteqarput, ilaasortat 100-t akornanni 53-inik ilaasortaatitaqaramik.

AAMMA ATUARUK Bloombergip Biden 100 millionit dollarinik aningaasaliiffiginiaraa

Republikanerilli sinnerlugit senatimi ilaasortat marluk, Lisa Murkowski Susan Collinsilu, oqarput taasisoqalerpat taaseqataaniarnatik, isumaqaramik taasisoqarnissaa tuaviuussaavallaartoq. Præsidentimut qinersinermi ajugaasup eqqartuussisussamik nutaamik toqqaasuussasoq Susan Collinsip oqaatigaa.

Eqqartuussiviit qullersaannut eqqartuussisussamik nutaamik toqqaasoqarnissaa utaqqisinneqartariaqartoq, republikanerit sinnerlugit senatimi ilaasortat marluk allat aamma piumasarissappassuk Trumpip eqqartuussisussamik nutaamik toqqaasoqapallannissaa ajornartorsiutigilersinnaavaa.

Præsidentimut qinersinermi ajugaasup Ginsburgip kingoraartissaanik toqqaasuunissaa apersorneqartut 62 procentiisa tapersersoraat, inunnik isumasiuisartup Ipsosip nutaarsiassaqartitsivik Reuters sinnerlugu isumasiuinerata takutippaa.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat