Biden illoqarfimmut eqqissiviilliorfiusumukalertoq
USA-mi demokratit sinnerlugit præsidentimut qinigassanngortittoq Joe Biden, naalagaaffimmi Wisconsinimi illoqarfimmut Kenoshamut ullumi tikissaaq. Nutaarsiassaqartitsivik AFP taama allaaserisaqarpoq.
USA-p maanna præsidentiata Donald Trumpip Kenosha marlunngormat tikeraareeraalu Biden ullumi tikeraassaaq. Kenoshami aqqusinerni piffissami kingullermi eqqissiviilliortoqarpoq, ammit qalipaataannik assigiinngisitsisarneq akerliuffiginiarlugu akerliussutsimik takutitsinerit nalaanni ilaatigut eqqissiviilliortoqarluni.
AAMMA ATUARUK USA-mi inuusuttuaraq politiit peqqarniitsuliortarnerannut akerliunermi toqutsisimasutut pasineqartoq
Politiip qaamasunik amillip taartumik amilik tunuaninngaanniit aggustip ulluisa 23-anni aallaareeraalu Kenoshami eqqissiviilliortoqalerpoq. Angut taartumik amilik tunumigut arfineq-marloriarluni aallaaneqarpoq, tamannalu pillugu eqqissiviilliortoqalerluni.
Kenoshami eqqissiviilliortoqarnerani aserutiterinerit imaaginnavissimapput, pisullu Donald Trumpip peqqarniisaarniarnertut taavai.