Biathlonimut pissartanngorniuteqataasinnaanngorpugut
Biathlon-imik nunarsuarmi unammisartunut nunatsinneersut peqataasalernissaannik suliniutiginnittoqareersorlu, sisoraatigalutik ooqattaasartartut nunatsinneersut, unammersuartarnernut ajornannginnerusumik peqataasinnaalerunarput.
Biathlon-imik unammersuartarnerni nunat mikinertut taaneqartartut ilaasinnaanerat ajornarnerulersinneqaraluarpoq.
TV-kkut isiginnaartartut aningaasaliisartullu soqutiginnilersinniarlugit, TV-qarfiit angisuut unammisarnerni aaqqissuisartunut kissaateqarsimapput, biathlon-imik nunarsuarmi pissartanngorniullutik unammisartut ikilisinneqassasut.
Nunanit, Kalaallit Nunaattulli ineriartorfiusunit, inuusuttunik peqataatitaqarsinnaaneq, taama piumasaqartoqarneratigut ajornakusuulissaaq.
Nunarsuaq tamakkerlugu pissartanngorniuttoqartillugu, timersortartut, nunallu peqataatitaqartartut, ikilisingaatsiarneqarnissaannut siunnersuummik, Kattuffiup teknikkimut attuumassutilinnut ataatsimiititaliaa, ataatsimeersuarneq sioqqullugu suliaqarsimavoq.