Bhutto-p toqutaaneranut atatillugu misissueqqissaartoqalerpoq
Pakistanimi naalakkersuisunut illuatungiliuttut siulittaasuata, Benazir Bhutto-p, toqutaaneranut atatillugu qunutitsillutik saassussisaqattaartartut pillugit tuluit paasissassarsiortartut uppernarsaatissanik paasiniaallutik ullumi aallartipput. Nutaarsiassaqartitsivimmi Ritzauimi taama allaaserinnittoqarpoq.
januaarip 05-at 2008 16:47
Paasiniaasartut Scotland Yard-imeersut Bhutto-p decembarip ulluisa 27-anni toqutaaffia siullermeerlugu misissoreeraat takunnissimasut ilisimatitsipput.
Toqutaaffiulli misissoqqissaarneqarnissaa ajornakusoorpoq, tassami Pakistanimi politiit sakkutuullu Bhutto toqutaariitsiartorlu toqutaaffia kumminik sullulinnik erngup aqqutaanik seqqersarujussuarlugu salissimammassuk. Taamaammat uppernarsaatissat pingaarutillit immaqa annaaneqarsimasinnaapput.
Saliisoqarsimanera Pakistanimi præsidentip, Pervez Musharraf-ip sisamanngormat aatsaavissuaq nassuerutigaa, oqarlunili, toqutsinermut kina kikkulluunniit pisuunersut paasiniarneqarnissaa nammineq Pakistanimilu isertortumik paasiniaasartut pissaaneqaqisut pitsaaliniarsimanngikkitsik.
