Rusland-ip kujasissuani Besland-imi 2004-mi atuarfimmi meerarpassuarnik inersimasunillu sallunaveeqqutitut tiguaasimasut ilaat, 25-nik ukiulik Nurpasji Kulajev inuunini naallugu paarnaarussassanngortinneqarpoq.
Besland-imi atuarfik 2004-mi tiguarneqarmat katillugit 1300-t sallunaveequtitut tigusarineqarput, annaassiniarnermilu sallunaveeqqutinik tiguaasut saassussimmata, taamani meeqqat inersimasullu 331-it toqutaapput.
Kulajev eqqartuunneqarnermini pinngitsuunerarpoq, pinngitsaalisaalluni peqataatinneqarsimasutut imminut suaarutigaluni.
Eqqartuussisoq piumasaqarsimagaluarpoq, saallunaveeqqutinik tiguaasimasuni annattutuaq Nurpasji Kalajev, toqumut pillarneqassasoq, tamannali pisinnaasimanngilaq, Rusland-mi toqumut pillaasarneq atorunnaarsinneqarsimammat.