Aningaasanut inatsisissaq: Sulinermut ilanngaat 2020-utinnagu atuutilersinneqarsinnaanngilaq

Sulinermut ilanngaatip 2019-imit aallartittumik eqqunneqarnissaa, Naalakkersuisoqatigiit isumaqatigiissumminni anguniagaraat. Sulinermut ilanngaatip 2019-imit aallartittumik eqqunneqarnissaa, Inatsisartut Aningaasaqarnermut Akileraartarnermullu Ataatsimiititaliaata ukioq manna maajimi kissaatigaa.

Pele Brobergilli maanna oqaatigaa ilanngaatip 2020-utinnagu atuutilersinneqarnissaa piviusorsiunngitsoq. Namminersorlutik Oqartussat IT-kkut atortorissaarutaasa ilanngaammik taamaattumik atuutilersitsinissamut piareersaqqaartariaqarnerat pissutigalugu sulinermut ilanngaatip 2020-utinnagu atuutilersinneqarnissaa piviusorsiunngitsutut taassuma taavaa.

Aningaasarsianut Namminersorlutik Oqartussani periutsit maanna atorneqartut pissutaallutik isertitat qanoq ittuussusaat, suminngaanneersuunerillu ilisimaneqarneq ajorput:

- Taamaammat piviusorsiortuunngilaq akileraarutitigut ilanngaatip 2020-mi januaarip aallaqqaataa sioqqullugu atuutilersinnissaa, aappaagumut aningaasanut inatsisissatut siunnersuummi taama ilaatigut allassimavoq.