Per Berthelsen utoqqatserfigineqanngilaq

Demokraatit siulittaasuat, Per Berthelsen, inatsisartut siulittaasoqarfiannit utoqqatserfigineqanngilaq Namminersornerullutik Oqartussat kalaalinngorsaavigineqarnissaanut atatillugu oqallinnermi oqaaseqartilluni kipitinneqarnerminut atatillugu.

Aqqaluk Lyngep ataatsimiinnermik aqutsisilluni Per Berthelsen nipangersippaa isumaqarami oqalussinnaatitarmi killissaa qaangeraa.

Per Berthelsen oqaluttarfimmit oqarpoq toqqortikkanik oqaatiginiagaqartoqartoq, Isak Davidsenip Otto Jeremiassenillu oqaaserisimasaannut atatillugu. Per Berthelsen taamani oqaluttarfimmit oqarpoq:

- Taamaammallu oqallissaarisut saqqummiussaasa iluini oqariartuutit ilaat amiilaajallaatiginngitsuunngilakka oqaluttuarisaanermi pisarsimasunut inuiaat imminnut sutorujussuaq isigalutik ataatsimoorlutik inuiannut aaliangersimasunut allanut akeqqersimaarnerannut eqqaanartumik annertuunik imaqarmata.

Oqaatsit taakku Aqqaluk Lyngep Tysklandimi nazistit pisortaanerisa nalaannut assersuuppai.

Per Berthelsenip tamanna kingorna naammagittaalliutigaa, inatsisartullu siulitttaasoqarfiat maanna akivoq:

Ataatsimiinnermik aqutsisoq sinnerlugu imaluunniit ataatsimiinnermik aqutsisup pisortatigoortumik utoqqatsissuteqarnissaa peqqussutigalugu piosrtatigoortumik utoqqatsissuteqarnissaq Siulittaasoqarfiup nalinginnaasumik iliuuserisinnaasaasa avataaniittoq maluginiarneqarpoq.

Jonathan Motzfeldtip radioaviisi sioqqullugu oqaaseqartissinnaasimanngilarput. Per Berthelsenip oqaatigereerpaa oqaaseqarnermini nazistit pineqanngilluinartut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat