Per Berthelsen tunuartitsinernut peqataannginnerarpoq

Per Berthelsen ima oqarpoq:

- Naamerluinnaq, kisianni terlinganeeraluni ingerlatsisoqartoq paasitinneqarama ilaasortaaffigisara saaffigaara. Ilisimasaqarnersut paaserusullugu. Tamatuma nalaani ilisimannittoqanngilaq, Karen Lyngelu terlingaaneerissanani siulittaasumut neriorsuisimavoq, terlinganeerimmalli siulittaasoq nalunaarfigaara malittarisassat qimerloorneqartariaqartut, arlaatigut iliuuseqartoqanngippat partii sequmittussaammat, Per Berthelsen oqarpoq, nangipporlu:

- Karen Lynge neriorsuisimaguni kusanaatsumik iliornermut peqataassanani, akerlianilli iliorluni, taava ilaasortatut malittarisassat misissorpakka, iliuuseqartoqarsinnaasoq takullugu. Ilaasortat soqutiginnittut peqataatillugit taasititsisoqarpat. Tamanna torersumik ingerlanneqassaaq, partiimillu sequtserutaannginnerpaassasoq. Salluliorneq atorlugu uppititsiniarneq unitsittariaqarpoq partii sequmissammagu, Demokraatit siulittaasuat Per Berthelsen oqarpoq.