Demokraatit, inatsisartunut qinersinermi ajugaanerpaatut taaneqarsinnaasut, siulittaasuata, Per Berthelsen-ip aalajangiusimavaa Siumumik suleqateqarusunnginnertik, partiillu Inuit Ataqatigiit Atassullu suleqatigineqarusunnerusut Per Berthelsen oqarpoq.
Siumukkullu oqaloqatigiinnissartik Demokraatit siulittaasuata takorloorsinnaannginnerarpaa.
Atassutip, Inuit Ataqatigiit Demokraatillu suleqatigiissinnaanerannut nutaalererusussuseq Per Berthelsenip apeqqutaatinnerarpaa.
- Inuit Ataqatigiit nutaaliornissaq kajungerigaat maluginiarnerarpaa, isumaqarnerarporlu nutaaliornissaq nunatta pisariaqartilluinnaraa.
Inuit Ataqatigiit, Atassut aamma immaqa Kattusseqatigiit politikkikkut silittumik tunngaveqartumik oqaloqatigalugit naalakkersuisooqatigiiliorsinnaanissaq Per Berhelsenip misissussanerarpaa.
Partiit pingasuullutik naalakkersuisooqatigiilissagaluarpata kina siulittaasunngussanersoq namminneq sallerpaajutinnginnerarpaat.