Per Berthelsen Siumukkormiunngoqqilerunarpoq
Per Berthelsen siumukkormiunngulerunarpoq. Tamanna ullumi aalajangerneqassaaq, Demokraatinit soraarsitap Siumullu partiiata isumaqatigiinniarneri kingulliit naammasseriarpata.
Allattoq Louise M. Kleemann
septembarip 18-at 2008 09:02
Siumut ilumut isumaqatiginiarneqartoq Per Berthelsenip uppernarsarpaa, oqarporlu Siumumut ilaasortanngornerluni ualeru paasinarsiumaartoq.
Taamaalilluni Per Berthelsen partiimut 2001-imi imminik tunuartitsisumut uternialerunarpoq, Siumukkunniit tunuartitaagami Demokraatit aallartippai.
-Partiit marluk pissusissamisoortumik pingaarutilimmillu tunngaveqarlunga oqaloqatigaakka, Per Berthelsen oqarpoq.
Partiip isumaqatiginiarneqartup aappaa sorliunersoq Per Berthelsenip oqaatigiumanngilaa, Inuit Ataqatigiiussagunarpulli.
