Berthelsen Napaattoorlu siulittaasuuffeqalersut
Qeqqata Kommunianimi borgmesteriusimasoq inatsisartut aningaasaqarnermut akileraaruteqarnermullu ataatsimiititaliaani siulittaasunngussaaq.
Ataatsimiititaliami ilaasortat sinneri tassaalerput Siumumit Nikkulaat Jeremiassen aamma Anders Olsen, Partii Naleqqamit Jens Napaattooq, Demokraatinit Niels Thomsen, Inuit Ataqatigiinniillu Sara Olsvig aamma Aqqaluaq B. Egede.
AAMMA ATUARUK Napaattooq qinigaasinnaatitaavoq
Hermann Berthelsenip parteeqatini Jens Immanuelsen aningaasaqarnermut akileraartarnermullu ataatsimiititaliami qinersinissap tungaanut siulittaasuusimasoq taarserpaa.
Ataatsimiititaliani pingaaruteqartui allani siulittaasussat aamma aalajangerneqarput. Ilaatigut aalisarnermut ataatsimiititaliamut Partii Naleqqamit qinerneqartoq Jens Napaattooq siulittaasussatut toqqarneqarpoq, taassuma aalisarnermut inatsit qinigaaffimmi matumani ataatsimiititaliami suliarineqarnera ilaatigut isumagissavaa.