Per Berthelsen naalakkersuisunut ilaasortanngorpoq
Demokraatit siulittaasorisimasaat Per Berthelsen, Aningaasaarnermut Nunanullu Allanut Naalakkersuisunngussasoq, inatsisartut aalajangeqqammerpaat. Taasinermi akuersisut 14-iupput, naaggaartoq ataasiulluni taaseqataanngitsullu quliullutik.
Allattoq Louise M. Kleemann
septembarip 26-at 2008 11:38
- Naalakkersuisunut ilaasortanngornera pillugu sakkortuumik qisuariartoqarnera tupigusuutiginngilara. Tamanna tusaatissatut tiguara tatiginninnermullu angisuumut qujallunga, Per Berthelsen oqalugiarnermini ilaatigut taama oqarpoq.
- Naalakkersuisut siulittaasuata nukittoqutigaa kingumut qiviarnani siumulli isigigami, taamaattumik politikeritut uummaqqillunga misigisimavunga, Per Berthelsen oqarpoq.
