Per Berthelsen: Kuupik Kleist ikiaroornartumik atuisuuva ?
Per Berthelsen nunanut allanut aningaasaqarnermullu naalakkersuisuugallartup, Nuummi qinersisartut ataatsimiitinneqarneranni ualimut ingerlanneqartumi, Inuit Ataqatigiit siulittaasuat piumaffigaa quuatigut misissuiffigineqarnissasoq ikiaroornartumik atornerluisuusinnaanera uppernarsarniarlugu.
Qinersisartut isumasiorneqarnerat kingulleq naapertorlugu Kuupik Kleistip naalakkersuisut siulittaasuat Hans Enoksen ajugaaffigisinnaavaa, marlunngorpat qinersinermi. Pisortat aningaasaataannik atornerluineq qineqqusaarnermi sammineqangaatsiarpoq, Siumullu qinigassanngortitaata Per Berthelsenip ikiaroornartumik Haship atuineq atornerluinertut taallugu erseqqissarpaa. Naalakkersuisut siulittaasussatut piukkunneqarlutik qineqqusaarlutik sassartut marluusut ikiaroornartumik atuisuunersut atuisuusimanersulluunniit qulakkeerlugit paasiniarpakka. Hans Enoksen aperivarput taannalu atuisuunani oqarpoq, taamaattumik IAp siulittaasua Kuupik Kleist apeqqut taanna pillugu aperiniarparput, Per Berthelsen qinersisartut ataatsimiitinneqarneranni ualimut Nuummi ingerlanneqartumi aperivoq.
Per Berthelsenip isumaa malilllugu Kuupik Kleist ikiaroornartumik atuisuunersoq atuisuunnginnersorluunnit pasiniarlugu quuatigut misissuiffigineqartariaqartoq.
Inuttulli allatut sorpassuit misilittaaffigaakka Kuupik Kleist oqarpoq, apeqqutigineqartorlu erseqqissumik akissuteqarfiginagu, torersumillu oqallittoqarnissaa kajumissaarutigalugu.