Per Berthelsen inatsisartuni attaviitsunngussaaq
Per Berthelsen tusagassiortunik katersuutsitsinermini taamatut nalunaarpoq, Kangia-Kitaanili ikaarsaariarnermi ataatsimiititaliami kisermaajulluni ilaasortaassanerluni suli nalunerarpaa.
Per Berthelsen Partiimiit, nammineq aallartitaminiit aniniannginerarpoq partiip ilisarnaataa tammajuitsussatut tigummiinnarsinnaajumallugu.
Nammineq naalakkersuinikkut siunissani nalunarnerarallarpaa, Inuit Ataqatigiilli suleqatiginissaat periarfissatut piukkunnarnerpaajunerarlugit.
-Uummatinni naalakkersuinikkut isiginnittariaaseq eqqarsaatigalugu qeqqaniippunga, Inuit Ataqatigiillu saamerliuniaraluartut inunnik isiginnittariaaserput assigiippoq, kisiannili aamma imaassinnaavoq Inuit Ataqatigiilluunniit perusunngikkaannga, Per Berthelsen oqarpoq.
Per Berthelsen partiimiit allamiit suleqatiserineqarsimagaluarluni naaggaarsimallunili oqarpoq.
Unnugu Radioaviisimi Per Berthelsenip tusagassiortunik katersuutsitsineranit tusagassaqaqqikkumaarpugut.
