Per Berthelsen Demokraatit partiiannit tunuarpoq

Demokraatit partiiata immikkut ittumik ippassaq ataatsimeersuarnerani ilaasortat ataasiakkaat siulittaasussamik qinersisinnaanissaannik Demokraatit Nuummi immikkoortortaqafiata siunnersuutaa akuerineqanngimmat, ataatsimeersuarnermullu qaaqquneqannginnami, Per Berthelsen partiimit tunuarluni nalunaarutigaa.

Per Berthelsen Demokraatit Partiiaannit tunuarnermi kingorna partiimik allamik pilersitsinissaminik pilersaaruteqanngilaq. Demokraatit Partiiata ataatsimeersuarnerata kingorna, Per Berthelsen partiinik allanik suleqateqateqarsinnaanissaminik ammalluni oqarpoq

Partiinik allanik suleqateqarnissaq pillugu saaffiginnissimanngilaq, partiilli allat suleqateqarnissaminnik saaffiginninnissaat utaqqillugu.

Demokraatit Partiiata Nuummi immikkoortortaqafiani Per Berthelsen suli ilaasortaavoq.

Kangiata-Kitaata Ikaarsaariarnermi ataatsimiititaliami borgmesterimut tullersortitut inissisimanera allannguuteqassanngilaq. Demokraatit Nuummi immikkoortortaqarfia sinnerlugu Ikaarsaariarnermi Ataatsimiititaliami ilaasortaanerminit Per Berthelsen tunuarniarluni oqarpoq.

Per Berthelsen Kangia Kitaataa ikaarsaariarnermi ataatsimiititaliaani borgmesterimut tullersortaanini tigummiinnassavaa.