Per Berthelsen: Demokraatit nukittuallapput
Demokraatit, pingaartumillu siulittaasup Per Berthelsenip, qinigaanissaat assut ilimagineqarsimagaluarpoq, ippassarlumi taaguneqarluarpoq, 3337-inik qinerneqarluni. Tamannali naammanngilaq, Berthelsen qinerneqarnerpaat pingajuattut inissikkaluarluni Folketingimut isinngitsoorpoq. Qinersinerup inernera pillugu Per Berthelsen oqarpoq taaguunneqarnertik naammagalugu, minnerunngitsumillu Nuummi angusartik tulluusimaarnarnerarlugu, Nuullu kommunalbestyrelsianut qinersinissami nukini tamaasa atorlugit suliniassamaalerneralerluni.
Politikkikkut piviusorsiortuunerarput, politikkikkulli sulinermi akerliliigaangamik qularnanngitsumik qinersisartunit pillarneqartarnerarput.
Per Berthelsen misigisimavoq piviusorsiortumik politikkikkut ingerlatsineq oqalunnerlu innuttaasunit paasineqaraluttuartoq, taamaammat Demokraatit siulittaasuattut sulinissaminut nukissaminik tunineqarluni.
Demokraatit katillugit 4006-nik taaneqarput.