Per Berthelsen ataatsimiinnernut peqataajumanngitsoq
Demokraatit partiianni assortuussutaasoq tassaavoq, Jens B. Frederiksen Astrid Fleischer Rex-ilu ilumut Demokraatit Nuummi immikkoortortaani ilaasortaanersut ilaasortaannginnersulluunniit.
Demokraatit Partiiannik aallartitsisuusoq Per Berthelsen ikaarsaariarnermut ataatsimiititaliamut qinigaagamili ataatsimiinnerit pingasuusut siulliat, maajip ulluisa aappaanni pisoq inissititerfiusorlu kisiat peqataaffigaa.
Per Berthelsen tallimanngormat kingullermik ataatsimiittoqartussanngormat pinngitsoornagu piumasaqaraluarpoq. Jens B. Frederiksen Astrid Fleischer Rex-ilu issiavimmiinnissappata, issiavinnut allanut nuunnatik, nammineq aggissanani.
Issiavimmiinniimmata Per Berthelsen takkutinngitsoorpoq.
Per Berthelsen ataasinngormat juunip ulluisa 23-ianni Ikaarsaariarnermut ataatsimiititaliami, Asii Chemnitz Narup-ip sulinngiffeqarnerani juulip ulluisa 21-ata tungaanut taarserlugu siulittaasuugallalerpoq.
