Bertel Haarderip Naalagaaffeqatigiinnermi naligiinnerunissaq kissaatigaa
Venstremi politikerip, Bertel Haarderip Danmark Kalaallit Nunaannut Savalimmiunullu tusanerusariaqarsoraa, Naalagaaffeqatigiiginnarumanermilu tunngaviusumik inatsit qiviallaavallaarunnaaqqullugu. Sermitsiaq.ag taama allaaserisaqarpoq.
Bertel Haarder naalagaaffeqatigiinnerup attatiinnarnissaanut illersuisutut ilisimaneqartup, Nauja Lyngep, atuakkiaata nutaap siulequtaanik allappoq.
Bertel Haarder naalagaaffeqatigiinnerup attatiinnarnissaanut naligiinnerusumik suleqatigiittoqarnissaanut uani kissaateqarpoq. Sermitsiaq.ag-mullu itisilerlugu oqarluni:
- Inatsit tunngaviusoq allanngortereerneqarsimasutut isiginiartigu, danskit tungaanniit kalaallit savalimmiormiullu soqutigisaannut pisariaqartunut tusaanerulluta.
Naalagaaffeqatigiinneq Danmarkip Kalaallit Nunaannut Savalimmiunullu piffissami qaangiuttumi oqartussaasimaneranik aallaaveqarani nammineq kajumissutsimik aallaaveqarnissaa pingaartuusoq, Bertel Haarder isumaqarpoq.
