Bertel Haarder: Piumasaannarmik periuseqarsinnaanngilagut
Danmarkip qimaasut Kalaallit Nunaata avannaanut nassiuttalernissai, Dansk Folkepartiineersup Kenneth Kristensen Berthip sapaatip akunnera kingulleq siunnersuutigaa.
Qimaasummi nillernerusumut nassiunneqartalerunik nunamut qimaasutut isernissamut siullertut Danmarkimut qinnuteqarnissaq ersigilissavaat.
Isumassarsiarli tamanna kultureqarnermut ministerimit Bertel Haarderimit taperserneqanngilaq.
- Qanorata aamma. Siullertut Kalaallit Nunaat nuanneqaaq aappaattullu Danmarki Kalaallit Nunaata nunartaanut piumasaannarminik periuseqarsinnaanngilaq, qanoruna eqqarsartortoq, Berthel Haarder oqarpoq.
Aamma atuaruk DF: Kalaallit Nunaata nillernerata qimaasut angerlartiinnassavai
Naaja Nathanielsen tallimanngormat Inuit Ataqatigiinniit tunuartup Inatsisartut upernaanerani ataatsimiinneranni Nunatta qimaasut ukiuni pingasuni arfinillit tigusassagai siunnersuutiginiarpaa.
Siunnersuut Berthel Haarderip tapersinngilluinnagaa.
- Kalaallilli Nunaata tamanna nammineq aalajangissavaa. Eqqarsaat ajunngikkaluarpoq apeqqutaaginnarpormi politikerip kalaallit danskilluunniit tamanna oqaatigineraa. Danmarkimili Kalaallit Nunaat pillugu pissuserissaarnerulaarta, Berthel Haarder oqarpoq.