Bernie Sandersip assinga allanngortinneqarsimasoq, Sandersip nammineq quiasuutigigini nutaarsiassaqartitsivimmut CNN-imut oqarpoq. Assillu amerikamiunut ikiorserneqarnissamik pisariaqartitsisunut iluaqutaasinnaanera inuttaata nammineq aamma nuannaarutigeqaa.Assi: Brendan Smialowski/AFP/Ritzau Scanpix

Berniep assinga millionilikkaanik ajunngitsuliornermut atugassanik isertitaqaataasinnaasoq

Tujuulorpassuit Vermontip senatoriata assinganik assitallit nungulertorput. Taakkuninngaarniarnermi isertitat USA-mi ikiortarialinnut atussapput.

USA-mi demokratit sinnerlugit senatorip Bernie Sandersip, Joe Bidenip præsidentitut ivertinneqarnerani isumalorujulluni, qanermut assiaquserluni nuersakkanillu aaqqasersimalluni assinga, suliniaqatigiiffinnut ajunngitsuliornermut tunngasunut aningaasarsiutaalluarsinnaavoq.

Asseq pineqartoq allanngortinneqaqattaarluni inoqatinut attaveqaatini assigiinngitsuni nunarsuaq tamakkerlugu saqqummersinneqaqattaarlunilu quiasuutigineqarpoq.

Asseq allanngortinneqarsimalluni nunani tamalaani oqaluttuarisaanermi pisimasuni ilaatinneqartuusaartinneqaqattaarpoq.

AAMMA ATUARUK Bernie Sandersip Joe Biden præsidentimut qinersinissamut tapersersoraa

Bernie Sandersip assinga allanngortinneqarsimasoq, Sandersip nammineq quiasuutigigini nutaarsiassaqartitsivimmut CNN-imut oqarpoq.

Assillu amerikamiunut ikiorserneqarnissamik pisariaqartitsisunut iluaqutaasinnaanera inuttaata nammineq aamma nuannaarutigeqaa.

- Asseq quiasuutigiinnarnagu maani Vermontimi tujuulunik tujuuluaqqanillu tuniniaallualerpugut, Sanders nassuiaavoq.

Aningaasat tujuulunik tujuuluaqqanillu tuniniaanermi isertitat millionilikkaajunissaat Bernie Sandersip naatsorsuutigaa, suliniaqatigiiffimmullu utoqqarnut isertitakitsunut nerisassaqartitsinermik suliniuteqartumut tunniunneqarnissaat ingerlateqqinneqarnissaat pilersaarutigalugu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat