Berlusconi politikkimut uterniarsaalerpoq

Italiami ministeriunerusimasoq Berlusconi inatsisartunut qinersinissami ajugaasussatut eeqqoriarneqartoq, Politiken ullumi saqqummersoq taamatut allaaserisaqarpoq.
Allattoq Louise M. Kleemann
apriilip 04-at 2008 12:16

Qinersisartut isumasiorneqarneranni Berlusconi Konservativineersuusoq Centrup Venstrip qinigassanngortitaannit Walter Veltroni-mit procentik sisamanik sioqqavoq. Italiami inatsisartunut qinersinermi 2006-imi Berlusconi ajorsarpoq.

Italia assuarnartunik arlalinnik pisoqarfiuvoq. Illoqarfimmi Napolimi eqqaakkat aqqusiniinnarmi katersuuttut, immussuup mozarillap toqunartuisa sinnerinut tunngasoq, ministeriunerup Romano Prodip

qinersisitsisariaqarneranut aallaaviusoq – naalakkersuisooqataasullu Midterpartiineersup siulittaasuata nuliata peqquserluttuliorsimaneranik pasillernerit pissutigalugit naalakkersuisut tunuartariaqarsimapput, sapaatillu akunnerata tulliani inatsisartunut qinersineqassaaq.

Italiami naalakkersuisut taarseraannerujussuat ilisimaneqarpoq, tassami sorsunnersuup aappaata kingorna Italiamiut 62-ississaa inatsisartunut qinersissammata.

Inatsisartunut qinersinissamut isumasiusitsinermi qinersisartut 30 procentiisa suli aalajanginngilaat partiimut sorlermut qinersissanerlutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq