Timmisartoqarfissuup 2,7 milliardit Euronik akeqarnissaa aallaqqaammut siunniunneqarpoq, maannali 6 milliardit Eurot sinnerlugit akeqassangatinneqarluni.Assi: Sascha Kohlmann/flickr

Berlinip timmisartoqarfissuassaa kiisami ammarneqartussanngortoq

Berlinip mittarfittaassaa oktobarip ulluisa 31-anni atoqqaarfissiorneqassaaq, atoqqaarfissiornissaanulli kisinnartumik kinguartitseqattaarnerit peqqutigalugit nalliuttorsiutigineqassanngilaq.

Berlinip timmisartoqarfissuassaa ukiunik qulingiluanik kinguaattoorluni ammarneqartussanngorpoq.

Timmisartoqarfissuup pisortaa Engelbert Luetke-Daldrup marlunngornermi taama ilisimatitsivoq.

Tysklandip oqaluttuarisaanerani sanaartornerit oqallisigineqarnerpaat ilaat pillugu suliaq taamaasilluni naammassiartulerpoq.

Ingeniørit Tysklandimeersut kanngusuttut

Timmisartoqarfissuaq 2011-mi naammassereersimasussaagaluarpoq, ammarnissaali qasseerpassuariarluni kinguartinneqartarsimalluni.

Timmisartoqarfissuup 2,7 milliardit Euronik akeqarnissaa aallaqqaammut siunniunneqarpoq, maannali 6 milliardit Eurot sinnerlugit akeqassangatinneqarluni.

Timmisartoqarfissuassap atulernissaanut kisinnartut eqqarsaatigalugit ammarneqarnissaa persuarsiutigineqarnianngilaq.

- Nalliuttorsiortoqarnavianngilaq. Ammaannassavarput. Ingeniørit Tysklandimeersut kanngusupput, Engelbert Luetke-Daldrup nutaarsiassaqartitsivimmut Reutersimut oqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat