Berlinimi lastbiilit inunnik piaaralutik aporsimmata qulingiluat toqutaapput

Lastbiilit Tysklandimi illoqarfiit pingaarnersaanni Berlinimi juullimut niuffaffiit ilaanni inunnik piaaraluni aporsimmat uivernersuaqalerpoq.

Berlinimilu politiit nalunaarutigaat inuit qulingiluat toqutaasimasut, inuppassuillu aqqunartitersimallutik. Politiit internetikkut attaveqaqatigiittarfikkut Twitterikkut taama allaaserisaqarput.

Lastbiilit ajutoornatik saassussinermut atorneqartut takussutissat siulliit takutikkaat, politiit tamaani nutaarsiassaqartitsivinnut oqaatigaat.

Aviisit Berliner Morgenpost aamma Bild allaaserisaat naapertorlugit ambulancerpassuit politiillu biilii juullimut niuffaffimmi saassussiffiusumukaasimapput.

Lastbiilit Berlinip ilaani Kurfüstendamip nalaani Gedächtniskirchemi saassussinermut atorneqarput, lastbiilinillu ingerlatsisoq politiinit tigusarineqarsimasoq aamma nalunaarutigineqarpoq.