Assi: Foto: Anders Berthelsen/GHF

Pan Am: Berit nunanut allanut unammisartut akornanni sungiussisimalluarnerpaat ilagaat

Kalaallit assammik arsartartui angutit ulluni makkunani nunatsinni Nuummi Pan Am-ertoqarnerani unammisarnermini nuannaartorineqarluarput. Angutilli angisuut nukittuullu akornanniippoq nunanut allanut unammisartut ilaasortaat sungiussisimalluartoq, tassa Berit Duus.

Arnaq timimik sungiusaasoq kalaallinut angutinut assammik arsartartunut 2004-mili peqataalerpoq. Taassuma unammisartut Inussivimmi unammilinnginneranni timaasa ajnnginnerpaamiinnissaat isumagisarpaa.

- Timikkut ajunngilluinnarput. Timigissusaat ukiuni kingullerni marlunni misilittartarparput. Nukittunerulernissaq unammissutigisalernikuuaat, nukappissallumi aamma nukittunerunissaq nuannarisarmassuk iluatsilluarpoq. 

AAMMA ATUARUK Nunatsinneersut Pan Am-imi ajugaaqqittut

Berit Duus oqarpoq itisiliillunilu:

 - Assammik arsarnerup saniatigut timigissartarneq ileqquulersimavoq, tamannalu pitsanngoriaataaqaaq.

Pan Am-imi unamminerit pingasut siulliit tulleriiginnarnik ajugaanernik inerneqartut iluatsilluarput. Berit Duusip assammik arsaattarnerup piffissap ingerlanerani timikkut piumasaqaateqarnerulersimanera nassuiaatigaa.

- Aammami nunani allaneersut nukittuujusartut takuneqarsinnaapput, taamaammat akiuunnissamut nukittusariaqarpugut, Berit Duus oqarpoq.

Kalaallit Pan Am-imi minnerpaamik pikkorinnerpaat pingajuattut inissinnissaat aamma Danmarkimi Tysklandimilu ukiup tulliani VM-ertoqarani peqataanissamik qulakkeerinissaq anguniagaraat.

AAMMA ATUARUK Unammisartut ataqatigiilluarneq ajugaanermik kinguneqartoq

Tamanna Kalaallit Nunaata VM-imi unammeqattaarnerni kingullerni 2007-imili peqataaneranit, nunanut allanut unammisartut Finn Nielsenimik, qatanngutigiinnillu Rasmus aamma Jakob Larsenimit ilaqarallarneraniilli siulliussaaq.

Berit Duus taamani unammisartut 22-tut inissinnissaanut qulakkeerineqataavoq.

Isummersuutit

panam2018nuuk_logo.jpg

Juunip 16-annit 24-ata tungaanut

Pan American Championship
Nuuk 2018-imi pissartanngortut
 
Argentina

Sølvinnattut:
BRASIL    
Bronzinnattut:
CHILE    

 

Kalaallit unamminerat pissanganarluinnartoq uani takoqqiuk

Unamminerit tamaasa KNR.gl/tv-mi katersorpagut:
Playlisti: Pan American Championship Nuuk 2018

KNR YouTube playlistianilu uani:
Pan American Championship Nuuk 2018

INERNERIT unamminerillu pilersaarutaat takukkit

KNR tv-kkut toqqaannartumik malinnaagit:
knr.gl/tv/live

Nutaarsiassat allarpassuillu: knr.gl/panam

 

INISSINNERAT

 

GRUPPE A

POINT

UNAMMI-
NERIT

ARGENTINA

8

4

CHILE

6

4

PUERTO RICO

4

4

GUATEMALA

2

4

PERU

0

4

CUBA ILAAJUNNAARPOQ

 

 

GRUPPE B

POINT

UNAM-
MINERIT

BRASIL

8

5

KALAALLIT 
NUNAAT

8

5

URUGUAY

6

5

CANADA

4

5

COLOMBIA

0

5

PARAGUAY

0

5

panam2018nuuk_logo.jpg

Amerikap Nunavittaani Nunat Assammik Arsarlutik Pissartanngorniunnissaat Nuummi ingerlanneqassaaq juunip 16-niit 24-ata tungaanut.

Aamma pisortatigoortumik nittartagaq Pan American Championship Nuuk 2018 uani takuuk

Pan American Handball Federation official website and calendar

Wikipedia: 2018 Pan American Men's Handball Championship