Benzinamut akiliutissamut suli malittarisassaqanngitsoq

Naak kukkunersiuisut Deloittep Namminersorlutik Oqartussat ukioq ataatsip matuma siorna benzinamut akiliutip atorneqarnissaanut killilersuinissaq sukannersumik kaammattuuteqarfigigaluaraa, Namminersorlutik Oqartussat suli malittarisassiorsimanngillat. Sermitsiaq.ag taama allaaserisaqarpoq.
oktobarip 17-at 2018 14:58
Nutserisoq Connie Fontain

Naalakkersuisup Doris J. Jensenip benzinamut akiliutaata atornerlunneqarnera pillugu nalunaarusiami Deloittemit kukkunersiuisup, Bo Colbep orsiinissamut akiliutip Naalakkersuisuni ilaasortanut atorneqarsinnaatitaasup atorneqarnissaanut aalajangersimasunik killilersuinissaq eqqarsaatersuutigineqartariaqartoq allappaa.

Innersuussulli taanna Namminersorlutik Oqartussani iliuuseqarfigineqanngilaq.

AAMMA ATUARUK Kortit benzinasiutissat killiligaanngillat

Aningaasaqarnermut Sulisoqarnermullu Aqutsisoqarfimmi ingerlatsinermut pisortap, Lise Lennert Olsenip Doris J. Jensenip benzinamut akiliutaata atornerlunneqarnera kukkunersiuisullu innersuussutai pillugit suliaq ilisimasaqarfigisimanagu Sermitsiaq.AG-mut paasissutissiivoq.

- Benzinamut akiliutissamut atatillugu malittarisassiornissarput isumaliutigisassaqqippoq, Lise Lennert Olsen oqarpoq.

AAMMA ATUARUK Deloittep benziinasissutissaq pillugu misissuinera aana

AAMMA ATUARUK Kortimik atuisarnerup sinaakkusersorneqarnissaa isumaliutigineqarsinnaasoq