Bent Ole Kleist: Kræftertut artukkersortinneqartarput
Nappaammik kræftimik eqqugaasimasut Danmarkimi sivisuumik katsorsarneqarnerminni qanigisaminnik najorneqarsinnaannginnertik pissutigalugu kisimiittariaqartarput, aningaasaqarniarnermikkullu artukkersorneqartarlutik.
- Tamanna uggornarpoq, Bent Ole Kleist, nappaammik kræftimik eqqugaasimasoq oqarpoq, ilaquttaminillu najorneqarsinnaanissani ujartorlugu:
- Ilaqutaasoq aallarneraniit ullut marluk-pingasut-sisamalluunniit qaangiuttullu Rigshospitalimi innartoq nukeeruppoq, nerisinnaajunnaarluni. Toqqammavissaarulluni. Aappani amigaatigileramiuk, Bent Ole Kleist oqarpoq, nangillunilu:
- Taava allatut ajornartumik aappaasoq tikiseqqinneqarpoq. Taava tupinnaqutigivaa maani tikissimalersorlu taanna napparsimasoq Rigshospitaliminngaanniit utertoq qiimmatsissimasorujussuulluni. Nukissaqaqqilerluni. Ilaquttamik ilaqarneq pingaaruteqartorujussuusoq tamanna takutippaa, Danmarkimi katsorsartikkiartortoq Bent Ole Kleist naggasiilluni oqarpoq.