Benedikte Utzon puisit amiinik atisaliortunngussaaq

Benedikte Utzonip suliffeqarfiutaa upernaaq akiliisinnaajunnaarpoq taamalu Copenhagen Fashion Weekimi ullumi aallartittumi peqataanani. Kisianni atisanik februarimi nuisitsinermi Great Greenlandip tuniniagassai nutaat takutissagai, Berlingske Tidende allaaserinnippoq.

Benedikte Utzon ilisimaneqarpoq ilaatigut Dronningimik kunngissamillu atisaliuussisartutut.

- Ukiorpassuarni Danmarkimi nunanilu tamalaani atisanik ilusilersuisartutut misilittagaqarpoq aammalu amminik pingaartumillu puisit amiinik suliaqarneq misilittagaqarfigilluarlugu, Great Greenlandimi pisortaq Lars Berg oqarpoq. Taassumalu neriuutiginerarpaa ilusilersuinermigut puisit amiisa nungusaataanngitsumik atorneqarnerat avammut nittarsaalluarsinnaajumaara.

Great Greenlandip februarimi atisanik nuisitsineq atorajuttarpaa ukiorsiunik nutaanik saqqummersitsinermut, taamaammat uani sapaatip akunnerani Copenhagen Fashion Weekimi saqqummersitsinngillat. Illuanik kalaallit ilusilersuisusartut Bibi Chemnitz aamma Isaksen Design saqqummersitsisunut peqataapput.