Benazir Bhutto nunaminut ullumi uterpoq

Pakistanimi ministeriunerusimasoq, Benazir Bhutto, nunaminut ullumi utermat, talittarfeqarfimmi Karachimi aqqusinerni tapersersuisut erfalasulisaarrallutik, tumerparpaarlutik qittallutillu tikilluaqqusipput.
oktobarip 18-at 2007 17:21

Ukiuni arfineq pingasuni allami nunasisimasariaqarsimalluni Benazir Bhutto utermat naatsorsuutigineqarpoq inuit 250.000-it tikilluaqqusiartorsimassasut.

Isertortumik paasiniaasartut politiillu tusatsiagaat malillugit al-Qaedameersut, Talebanit malittaat pakistanimiullu sakkulersortartut Benazir Bhuttomik toqutsiniassamaarsimammata, upalungaarsimatitat Karachip mittarfiata eqqaani piareeqqatinneqarput.

54-inik ukiulik Bhutto, Dubai-miit ualimut tikikkami manittortuinnaalluni timmisartumiit niuvoq.

Bhutto, Pakistanske Folkepartiimi siuttuusoq neriorsuivoq Pakistan sakkutuunit naalakkersorneqarunnaartinniarlugu, Pakistanilli præsidentianik, sakkutuullu qullersarisaannik, Musharrafimik, pissaanermik agguaqatigiinnissamik isumaqatigiissuteqarsimaneragaanini eqqaanngilaa.

Musharrafip neriuutigaa Pakistanimi pissaanerup ima avinnissaa, Bhuttoministeriuninngortoq nammineq præsidentiuinarsinaassalluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq